وۆركشۆپا خه‌ملاندن، حوكمرانى، كوالێتى، لێپرسین و پرۆسا ئه‌زموونگه‌ییا چاكسازیێ ل زانكۆیێن هه‌رێما كوردستانێ هاته‌ رێكخستن

ل ڕۆژا دووشه‌مبێ ڕێكه‌ڤتى 29/11/2021 ل هۆلا سه‌نته‌رێ ره‌وشه‌نبیرى و كۆمه‌لایه‌تى ل زانكۆیا سه‌لاحه‌دین- هه‌ولێر لژێر چاڤدێرییا وه‌زیرێ خواندنا بلند و ڤه‌كۆلینێن زانستى دكتۆر (ارام محمد قادر) و ب ئاماده‌بوونا هه‌ژماره‌یه‌كا سه‌رۆكێن زانكۆیێن كوردستانێ و سه‌رپه‌رشتیار و لێپرسراوێن رێكخراوا (UNIMED) یا ئیتاڵی 

وۆركشۆپا خه‌ملاندن، حوكمرانى، كوالێتى، لێپرسین و پرۆسا ئه‌زموونگه‌ییا چاكسازیێ ل زانكۆیێن هه‌رێما كوردستانێ هاته‌ رێكخستن.

د مه‌راسیما ڤه‌كرنا وۆركشۆپێدا، هه‌رئێك ژ مارسیلۆ سکالیسی ڕێڤه‌به‌رێ ڕێکخراوا (UNIMED)یا ئیتاڵى و، ماری پارێت، سەرۆکێ نڤیسینگه‌ها وەفدێ ئێكه‌تییا ئەوروپا ل هەولێر (TBC) و، ئان کاپرین ژ زانکۆی پیسا، و پسپۆڕێ بۆلۆنیا گۆتار پێشکێشكرن.

پشتى پێشكێشكرنا گۆتاران به‌رنامه‌یێ كارێ وۆركشۆپێ ده‌ستپێكر، ژبۆ ڤێ چه‌ندێ ژى د پانێلا ئێكێدا كو تایبه‌ت بوو ب (جێبجێكرنا پرۆسا بۆلۆنیا و سیسته‌مێ برێڤه‌برنا خواندنا بلند ل كوردستانێ: دیتن و رووبرووبوونێن وێ)  ژلایێ د. محمد حسین احمد سەرۆکێ دەزگه‌هێ سەرپەرشتی و دڵنیایی جۆری ل دیوانا وەزارەتێ و، د.جەوهەر فەتاح سەعید سەرۆکێ زانکۆیا سەڵاحەددین-هەولێر و، نوێنەرێ سەرۆکێ زانکۆیا سلێمانى دیتن و بۆچۆنێن خۆ ده‌ربتره‌ى پڕۆسەیا بۆلۆنیا  باسکر.

پانێلا دوویێ ژى وۆركشۆپه‌كه‌ تایبه‌ت بوو لژێر ناڤونیشانێ (ب بهێزكرنا حوكمرانییه‌كا باش  و خۆ برێڤه‌برنا دامه‌زراوه‌یێن زانكۆیێ د بوارێ ژمێریارى و به‌رپرسیاره‌تییا زانكۆیێ) ئه‌ڤ پانێله‌ ژى ژ لایێ سیلڤیا مارچیۆن، ڕێڤه‌به‌رێ ڕێکخراوا (UNIMED)یا ئیتاڵى، مارکۆ ئاباتێ ژ زانکۆیا پیسا، سەڵاح ڕەزا سەعید سەرۆکێ زانکۆیا چەرمو، سۆمۆدیپ سەرکار ژ زانکۆیا ئیڤۆرا گه‌نگه‌شه‌ لسەر ناڤونیشانێ پانیڵى کرن.

هه‌ژییه‌ بێژین سه‌رۆكێ زانكۆیا زاخۆ به‌رێز (پ.د. ناظم سلیمان عبدالعزیز) (پ.د. یاسین ته‌ها مسته‌فا) هاریكارێ سه‌رۆكێ زانكۆیێ بۆ كاروبارێ خواندنا بلند، (د.دلێر عادل) رێڤه‌به‌رێ ریڤه‌به‌رییا دلنیا جۆرى و (م. دلوڤان رمضان) پشكدار بوون د ئه‌ڤێ وۆركشۆپێدا. وۆركشۆپ ژلایێ وه‌زاره‌تا خواندنا بلند و ڤه‌كۆلینێن زانستى ب هاریكارى لگه‌ل رێكخراوا (UNIMED)یا ئیتاڵی بۆ ماوه‌یێ دوو رۆژا دێ یا به‌رده‌وام بیت، 8 زانكۆیێن هه‌رێما كوردستانێ و 4 زانكۆیێن جیهانه‌ یێن ئه‌ورپا پشكدارن دێ رێك ب چه‌ند په‌نه‌له‌كێن دى ژى هێنه‌ دان و گه‌نگه‌شه‌ لسه‌ر چه‌ندین بابه‌تێن دى هێنه‌ كرن